दुबारा नइ होवय मतदान, मतगणना के दिन बंद रइही दारू दुकान- चुनाव आयोग

मीनल तिवारी, रायपुर। राज्य म विधानसभा चुनाव के तहत कोनो भी मतदान केंद्र म पुर्नमतदान नइ होही। भारत निर्वाचन आयोग ह एखर पुष्टि करे हे। प्रदेश म दू चरण म पाछू बारा नवंबर अउ बीस नवंबर के नब्बे विधानसभा सीट बर मतदान होय रीहिस। मतदान के बाद कुछ एक जगा म पुनर्मतदान के मांग करे गे रीहिस। जम्मों तथ्य म विचार करे के बाद भारत निर्वाचन आयोग ह कोनो भी विधानसभा क्षेत्र के मतदान केंद्र म फेर से मतदान नइ कराय के फैसला लेहे। ये जानकारी छत्तीसगढ़ के मुख्य निर्वाचन पदाधिकारी सुब्रत साहू ल भारत निर्वाचन आयोग कोति ले दे गेहे। ये चुनाव बर ग्यारा दिसंबर के मतगणना होना हे। एला देखत ये दिन देशी अउ विदेशी शराब के दुकान ल बंद राखे बर शुष्क दिवस घोषित करे गेहे।

Related posts

Leave a Comment